Гвардиола го седна раководството на маса и побара средства за дефанзивецот од Примера!

Менаџерот на Манчестер Сити, Пеп Гвардиола побара од раководството 50 милиони фунти за дополнително да го засили тимот во јануари.

Шпанскиот стратег сака даго засили дефанзивниот дел од тимот, а неговиот прв избор е фудбалерот на Реал Сосиједад, Иниго Мартинез.

Гвардиола, како што тврди Скај Спорт сериозно е заинтересиран за доведување на овој стопер и верува дека тој би бил идеален за неговата концепција за игра.

Ако не успее да го договори неговото пристигнување, Пеп ќе се насочи кон опциите во Англија. Втората желба е Џони Еванс од ВБА, кој во изминатиот период се наметна како еден од најдобрите дефнзивци.

Мартинез целата кариера ја мина во Реал Сосиједад. Неговата пазарна вредност изнесува 25 милиони евра, но сигурно дека понудата од Сити би била далеку поголема.