Гатузо: Милан е тим со две лица!

Тренерот на Милан, Џенаро Гатузо беше исклучително разочаран после ремито на домашен терен против Аталанта.

Милан имаше водство до 92-та минута и беше подобар противник во текот на целиот меч, но на крајот ја испушти победата во судиското продолжение.

„Разочаран сум. Ние сме тим со две лица. Одигравме исклучително добро прво полувреме, а во последните 30 минути не личевме на себе. Тоа се случува веќе четири меча по ред“, истакна Гатузо.

„Треба да се подобриме бидејќи има многу натпревари и ако не ја контролираме ситуацијата до крај ќе имаме големи проблеми. Разбирам дека тимот е млад и има потреба од време, но во последните 30 минути едноставно не личевме на тим“, додаде стратегот на „росонерите“.