„Газета“ го избра најлошиот тим во Серија А за оваа сезона

„Газета дело Спорт“ ги избра најлошите 11 фудбалери во досегашниот дел од Серија А.

Многу скапо платени фудбалери оваа сезона потфрлија во италијанското првенство, па „Газета“ имаше простор за избор.

На голот на овој непопуларен тим се најде скапо платениот голман на Наполи, Алекс Мерет. 23 годишниот голман на „Сан Паоло“ стигна минатото лето од Удинезе и беше платен повеќе од 20 милиони евра, но со оглед на лошата форма впред прекинот на првенството скоро и да не бранеше, местото на голот беше резервирано за Давид Оспина.

Последната линија ја сочинуваат: Антонио Барека (Џенова), Спинацола (Рома), Денис Вавро (Лацио) и Диего Годин (Интер). Сите четворица играчи во клубот пристигнаа минатото лето.

Средниот ред е составен од: Адриен Рабио (Јувентус), Хавиер Пасторе (Рома) и Лукас Пакета (Милан).

Трите места во нападот припаднаа на: Ирвинг Лозано (Наполи), Алексис Санчез (Интер) и Симоне Верди (Торино).