Газдите на Џенова купија клуб во Белгија

Сопствениците на Џенова и нивната компанија „777 Партнерс ЛЛЦ“ станаа газди на нов клуб.

Десеткратниот белгиски шампион Стандард Лиеж е новата аквизиција на првите луѓе на Џенова.

„777 Партнерс со задоволство објавува дека е прифатен предизвик да му помогне на клубот да го продолжи развојот и да ја врати старата слава“, соопштија од Стандард.

Послед пат Стандард шампион на Белгија беше во 2009 година. Сенова клубот се наоѓа на 13. позиција и е далеку од некогашната слава и добрите резултати. Во Џенова Американците не успеаа да направат некоја голема разлика клубот неколку сезони се бори за опстанок, меѓутоа во Белгија давачките се помали, па ќе видиме како ќе се развиваат работите.