Во соблекувалната на ПСЖ веќе знаат дека доаѓа Зидан

Во последните денови се погласни се шпекулациите дека Маурисио Покетино може да го напушти ПСЖ и да се пресели на кормилото на Манчестер Јунајтед.

После отказот на Солскјер главен фаворит за тренерското столче на „Олд Трафорд“ е Маурисио Покетино, а неговите агенти веќе започнаа преговори со „црвените ѓаволи“.

Самиот Аргентинец сака да се врати во Премиер лигата, а раководството на ПСЖ веќе му најде замена.

Имено, Зинедин Зидан е главен фаворит за преземање на тимот на ПСЖ, а „Марка“ открива дека ѕвездите на тимот веќе биле информирани дека ќе дојде Французинот.

Тие очекуваат наскоро Зидан да седне на кормилото, а ПСЖ е во интензивни преговори со бившиот тренер на Реал Мадрид.