Дербито во Втората македонска фудбалска лига кое го играа Гостивар и Пелистер заврши без победник, а тоа беше и најпосакувано за Вардар и Воска кои ја искористија таа ситуација и со победи се издвоија на првите две позиции.
Вардар лесно со 3:0 беше подобар од Борец, Владимир Жоглев постигна два гола во првото полувреме додека во второто Јусуфи стави печат на триумфот.
Ќе го решиме проблемот со отпадот ако го гледаме како ресурс, а не како ѓубре! | Уште еден поткаст
Воска на гости кај Беса славеше минимална победа. Натпреварот беше одлучен со голот на Албин Рамадани во првото полувреме од натпреварот. На првите две позици Вардар и Воска имаа по 46, Гостивар е трет со 44, а Пелистер четврти со 40 бода.
Во ремито помеѓу Гостивар и Пелистер, Симеон Христов стрелаше за водство, додека Љамчевски со гол од слободен удар обезбеди реми за Пелистер. Гостиварци викендов повторно ги чека тежок натпревар и тоа против Воска на гости.
Поради скандалот со физичкиот напад во Сингилиќ и влегувањето во соблекувална на фудбалерите на Беласица, дуелот помеѓу струмичкиот клуб и Локомотива Пехчево беше одложен.
Фото: ФК Вардар
ВМФЛ резултати:
Беса – Воска Спорт 0-1
Борец – Вардар 0-3
Детонит Плачковица – Кожув 0-0
Гостивар – Пелистер 1-1
Локомотива Пехчево – Беласица НЕ СЕ ОДИГРА
Охрид – Арсими 2-0
Каменица Саса – Слога Виница 1-0
Учество во игри на среќа е дозволено за лица со 18+ години. Играј одговорно!