Влаховиќ ја договорил својата плата со Јувентус и спремен е да чека до лето

Се погласни се најавите од Италија дека Душан Влаховиќ ја притиска Фиорентина да му дозволи трансфер во Јувентус.

Сега „Газета“ пренесува нови информации, а тоа е дека српскиот фудбалер договорил плата од седум милиони евра по сезона. Наводно, Влаховиќ е спремен да чека и до лето ако двата не се договорат до крајот на овој месец.

Претходно се појави информација дека Арсенал испратил понуда од 70 милиони евра, сума која ја бара Фиорентина за Влаховиќ, меѓутоа фудбалерот не сака трансфер во Лондон. Од друга страна понудата на Јувентус од 35 милиони евра и Дејан Кулушевски не и одговара на Фиорентина.

До крајот на овој преоден рок нема уште многу, па останува да видиме што ќе случува.