Владата донесе одлука: Се прекинува фудбалското првенство во Грција

По синоќешниот инцидент што се случи на натпреварот помеѓу ПАОК и АЕК, каде после поништен регуларен гол на ПАОК дојде до инциденти на теренот, а претседателот на домашниот клуб влезе со пиштол на теренот денеска Владата донесе одлука со која се става во прекин фудбалскиот шампионат.

Во целост соопштението од Владата:

„Веќе три години Владата се обидува да создаде услови за нормално играње и следење на фудбалски натпревари. Добивме многу битки, но исто така и има уште многу да се стори. Во секој случај, нема да дозволиме да се вратат старите навики и поради тоа решивме да го стопираме фудбалското првенство. Во следните денови ќе разговараме со федерацијата, со играчите и со лигата. Исто така, веќе сме во комуникација со УЕФА и децидни сме на својот став дека првенството нема да продолжи се додека не бидат поставени правила на игра и регулативи за нормално функционирање.“