Вклучен алармот во Торино: Јувентус должи 382 милиони евра

Италијанскиот гигант Јувентус ја објави финансиската ситуација и потврди дека минатата година ја завршил во минус од 71,4 милиони евра.

Овој минус од 71,4 милиони евра, е за 31,5 милиони евра поголем од сезоната 2018/19, а според извештајот најмногу на тоа влијаела пандемијата на коронавирусот.

Алармот во Јувентус е вклучен, приходите минатата година се намалени за 50 милиони евра, а вкупните долгови значително зголемени.

Заклучно со јуни оваа година, Јувентус долгува дури 385 милиони евра, а и претседателот Андреа Ањели потврди дека ќе треба подолго време додека не се стабилизира финансиската ситуација.