Виери објасни што му недостасува на Интер

Поранешниот напаѓач на Интер и италијанската репрезентација, Кристијан Виери го коментираше ремито на Интер против Парма (2:2).

Виери во таа прилика ги пофали Раџа Наинголан, Артуро Видал и Стефано Сенси, но истакна и дека најголем проблем на Интер е што нема замена за Ромелу Лукаку.

Лукаку нема да игра и вечерва против Реал поради повреда.

„Јас секогаш би сакал да имам четири или пет напаѓачи во тимот ако сакам да се борам за титулата во пренството и во Лигата на шампионите. Ако го нема Лукаку нема кој да го замени во нападот. Морате да имате уште еден напаѓач, Перишиќ не е доволно добар за таа позиција“, изјави Виери.

Добра работа за Конте е што Алексис Санчез се враќа во тимот откако ги пропушти последните три натпревари.