Видео: Челзи во пет минути го сруши Арсенал

Арсенал и Челзи одиграа исклучително возбудливо дерби, во кое „сините“ успеаа да направат пресврт и со трите бода да си заминат од „Емирати“.

„Топџиите“ започнаа фуриозно од самиот старт и дојдоа до предност во 13-та минута со голот на Обамејанг. Неколку минути подоцна Лакзет имаше уште една олучна прилика, но не успеа да го совлада Кепа.

Впечаток беше дека во текот на целото прво полувреме Арсенал беше подобар противник, но не успеа да создаде поголема предност.

Во вториот дел Челзи заигра поангажирано, создаваше шанси, додека „топџиите“ спорадично се закануваа преку контранапади. До израмнување „сините“ стигнаа во 83-та минута кога после една грешка на голманот Лено, Жоржињо немаше проблеми да ја смести топката во небранетата мрежа.

Четири минути подоцна Абрахам после еден контранапад погоди за 2:1 и голема победа на Челзи.