ВИДЕО Навивачите истрчаа на теренот и започнаа лудо славје. Потоа останаа шокирани со гол во 95-та

Голема борба за влез во првата лига се води во Холандија. Враќање во елитното друштво обезбеди Вилем Втори, а на дофат на тој успех беше Рода која во петокот на домашен терен го победи Камбур со 2:0.

Нивните ривали во битката за второто место, Гронинген, губеа со 1-0 од Телстар и се чинеше дека славењето може да започне.

Сепак, Гронинген успеа да израмни во 95. минута и така остана во борба за пласман во најсилната холандска лига.

Навивачите на Рода, сепак, имаа нешто поинакви информации. Официјалниот најавувач Вим Фријнс на стадионот објави дека Телстар води со 2:1, што ги натера навивачите масовно да истрчаат на теренот и да започнат бурно славје.

“Некој ми кажа дека Телстар постигнал гол. Луѓето плачеа покрај мене од среќа. Фудбалерите на Рода се вратија на теренот да слават со навивачите. Мислев дека информацијата е точна. Дури подоцна дознав дека нема гол. Но, прославата на навивачите никој не можеше да ја спречи“, призна тој во интервју за Voetbal International.

Инаку, Гронинген и Рода ќе одлучат за директен пласман во највисокиот ранг на холандскиот фудбал во последното коло во директна пресметка. Гронинген игра дома и има потреба од победа, додека секој друг исход ја одржува Рода на второто место.

03/05/2024 Netherlands🇳🇱
Roda JC supporters invading the pitch, thinking they secured promotion to the Eredivisie… Until FC Groningen scored in 90+5 and the promotion party got cancelled. 😂👀

Next week Groningen will play Roda JC at home, winner will be promoted! pic.twitter.com/1fB76dePfO

— 𝐂𝐚𝐬𝐮𝐚𝐥 𝐔𝐥𝐭𝐫𝐚 𝐎𝐟𝐟𝐢𝐜𝐢𝐚𝐥 (@thecasualultra) May 3, 2024