Венгер со СМС пораки го убедува Санчез да остане

Менаџерот на Арсенал, Арсен Венгер вели дека тој со СМС пораки комуницира со Алексис Санчез и дека е многу позитивен.

Веќе со месеци се шпекулира дека Чилеанецот ќе го напушти Арсенал, а наводно го сакаат Баерн и Сити. Сепак, Венгер е убеден дека ќе го задржи главниот играч на екипата кој веќе влегува во последната година од договорот.

„Раговараме со текстуални пораки и многу е позитивен. Моите мисли секогаш се позитивни. Играше цела сезона, а потоа уморен отиде да игра на Купот на Конфедерациите. Не можете да кажете дека играчот нема да има одмор и дека мора да се врати, тоа е невозможно“, изјави Венгер.

Санчез минатата сезона постигна 24 гола со 10 асистенции, а Венгер го очекува на крајот на месецот на тренингот.