Репрезентацијата на Велс по 64 години ќе игра на Светското првенство, откако во плеј-офот ја совлада Украина со минимални 1:0.
Победникот беше решен на крајот од првото полувреме со автоголот на Јармоленко после шутот од слободен удар на Бејл. Впечаток е дека Украинците беа подобар ривал, но на крајот не се радуваа.
Исхрана, повреди и тренинг – совети од доктор по спортска медицина | Уште еден поткаст
Се играше 34. минута кога Бејл шутираше од слободен удар, а несреќниот Јармоленко ја затресе сопствената мрежа.
Второто полувреме беше многу повозбудливо од првото. Бејл и Ремзи можеа да го зголемат водството на Велс.
Украинците имаа голем број на ветувачки ситуации, имаа дури 24 удари кон противничкиот гол, но вечерва расположениот голман Хенеси бранеше одлично.
Со оглед на сите прикажани и пропуштени шанси, Украина сигурно ќе има за што да жали, додека Велшаните сигурно многу ќе се забавуваат и ќе проверат билети за Катар. Велс на Мундијалот ќе игра во група со Англија, Иран и САД и сигурно ќе има свои шанси да помине во нокаут фазата.
Учество во игри на среќа е дозволено за лица со 18+ години. Играј одговорно!