Валенсија се врати: Гази и има играч кој ќе биде сензација на преодниот рок!

Валенсија е дефинитивно најголемото пријатно изненадување во досегашниот дел од Примера. Полсе неколку години на криза, просечност и подпросечност, шескратниот шампион на Шпанија влезе во сезоната на фуриозен начин.

Чудесниот пресврт на „Местаља“ се случи под водство на тренерот Марселињо Гарсија Торал. „Лилјаците“ се единствени заедно со Барса и Атлетико кои се уште немаат пораз и се на второто место на табелата.

Јасно е дека добрите резултати ги исфрлија на површина најзаслужните поединци. За многумина клучен играч оваа сезона е 20-годишниот Карлос Солер, поливалентен играч за врска кој може да игра подеднакво добро на повеќе позиции. Тој е продукт на академијата на Валенсија, оваа сезона „експлодираше“ и стана една од најголемите млади ѕвезди во шпанскиот фудбал.

Иако најголемиот дел од јуниорската кариера играше во средниот ред, Марселињо најчесто го користи по крилните позиции, а Солер одговори со одлични резултати. Поради тоа не требаше долго време да влезе во списокот на Барселона и Реал, па шпанските медиуми тврдат дека двата гиганти се силно заинтересирани за него.

Откако пропадна трансферот на Кутињо, Барселона и понатаму бара офанзивен креативен играч, додека Реал бара замена за Герет Бејл кој постојано е повреден и најверојатно на крајот на сезоната ќе се врати во Англија.

За Солер се зиантереситани и останатите европски гиганти, пред се Манчестер Јунајтед, но Валенсија за својот „бисер“ бара 80 милиони евра.

Валенсија конечно има тим со кој може да прави големи нешта, па поради тоа тешко дека ќе се откаже од својата ѕвезда во јануари, но јасно е дека нема да може да долго да одолева на понудите од најбогатите европски клубови.