Бугарите направија скандал во Скопје: Селекторот ги повлече од терен младите кошаркари

Во СЦ „Кале“ вчера започна новиот проект на ФИБА „Заедно до 16 години“, а на првиот ден од натпреварувањето за кошаркари родени 2009 година се случи скандал.

Имено на последниот натпревар од првиот дел помеѓу Македонија и Бугарија, селекторот на нашиот источен сосед од некоја причина го повлече тимот.

Бугарите се повлекоа од теренот додека македонските кошаркари имаа предност од 54:46 и беа пред победа. По „преговори“ со организаторите и судиите Бугарите потоа се вратија на теренот и ги доиграа преостанатите три ипол минути.