Брестовац: Ја подобривме одбраната, бековите беа одлични

Македонската ракометна репрезентација запиша победа против Чиле (32:29) и се пласира во втората фаза од Мундијалот во Египет.

Иако Македонија прими многу голови, сепак селекторот Брестовац истакна дека токму одбраната била клучот на победата и дека бековите функционирале одлично.

„Во вториот дел од натпреварот  ја подобривме одбраната и постигнавме неколку лесни голови. Бековите функционираа добро,  на надворешната линија беа навистина добри и тоа беше многу важно за нашата победа“, изјави Брестовац.

Македонија во следната фаза за противници ги има  репрезентациите на Русија, Белорусија и Словенија.

Фото: РФМ