Браво: Фановите на Ливерпул вчера навиваа и собраа 500 евра за Јана (ФОТО)

Регионалниот собир на навивачи на Ливерпул кој вчера се случи во Скопје на натпреварот против Тотенхем имаше и хуманитарен карактер.

Навивачите на црвените успеаа да соберат точно 32.022 денари за Јана Арсовска која боледува од редок вид на карцином.

„32,022,00 е сумата која што Балканските навивачи на Ливерпул ја собраа за Направи добрина: Донирај НАДЕЖ за ЈАНА. Како горди домаќини сакаме од се срце да им се заблагодариме на Liverpool FC Montenegro Liverpool – CROATIA fans LFC Serbia LIVERPOOL FC Slovenia Liverpool FC Bosnia & Herzegovina Liverpool FC Romania Liverpool Bulgaria. Момци, без вас, оваа хуманитарна акција немаше да биде ни приближно успешна. Благодариме од се’ срце за вашето учество и се надеваме на многу повеќе и далеку поуспешни вакви акции, кои ќе донесат добро на оние на кои што им е најмногу потребно. За крај, Јана, You’ll Never Walk Alone“, стои во Фејсбук објавата на „Маcedonian Reds“.