Италијанските медиуми тврдат дека Лучијано Спалети е блиску до клупата на Јувентус и дека веќе постигнал договор со раководството на „старата дама“.
Поради тоа Спалети одби да го продолжи договорот со Рома и беше јавно критикуван од претседателот на клубот, Џејмс Палота.
Кој тепа, Ливерпул или Челзи!? ↓↓↓
Наводно „волчицата“ веќе бара негова замена, а според италијанските и шпанските медиуми припрема вистинска „бомба“.
Имено, Рома ќе се обиде во своите редови да го донесе Луис Енрике кој на крајот на сезоната ја напушта Барса и ќе биде слободен.
Енрике во минатото ја тренираше „волчицата“, без некои големи резултати, но сега наводно ќе добие добар буџет за засилувања.
Медиумите тврдат дека од следната сезона спортски директор на Рома ќе биде директорот на Севиља Мончи, а тоа е дополнителен адут за „волчицата“ да го убеди Енрике да се врати на „Олимпико“.