„Бомба“од Франција: Мбапе се договорил со Реал Мадрид

Познатиот агент Бруно Сатин лансираше вистинска „бомба“ и тврди дека Килијан Мбапе се договорил со Реал Мадрид.

Мбапе донел одлука заедно со своето семејство и постигнале договор со „кралскиот“ клуб, па останува да се види дали трансферот ќе се реализира ова лето или другото.

Мбапе на лето влегува во последната година од договорот и ги одби сите понуди од ПСЖ за продолжување на соработката.

Агентот Бруно Сатин во емисијата „Лејт Фудбал Клуб“ откри дека Килијан Мбапе веќе се договорил со Реал Мадрид, но можно следното лето како слободен агент да се пресели на „Сантиаго Бернабеу“.

Флорентино Перез ќе се обиде ова лето да го донесе во Мадрид и верува дека ќе постигне договор со ПСЖ, кој пак е ставен пред „свршен чин“.

🚨🚨 "El REAL MADRID fichará a MBAPPÉ en 1 MES o 2" 🚨🚨

📢 EXCLUSIVA de @jpedrerol en #ChiringuitoMbappé pic.twitter.com/BTLemYg4ZO

— El Chiringuito TV (@elchiringuitotv) May 20, 2021