„Бомба“ од Португалија: Жоао Феликс пристигна во Мадрид!

Младата ѕвезда на Бенфика, Жоао Феликс е пред трансфер во Атлетико Мадрид, тврдат португалските и шпански медиуми.

Атлетико Мадрид е спремен да ја плати откупната клаузула од 120 милиони евра, а најновите информации се дека Жоао Феликс и неговите агенти веќе пристигнале во Мадрид на завршни преговори.

„Јорганџиите“ во Португалецот гледаат идеален наследник на Гризман, кој најави заминување од клубот, па работат на тоа да ја победат конкуренцијата за 19-годишниот талент.

Медиумите пренесуваат дека Атлетико започнал преговори со Бенфика и му нуди на португалскот клуб нуди 30% од следната продажба на Жоао Феликс.

Се уште не е јасно дали ќе ја платат целосно откупната клаузула или Бенфика ќе ја прифати нивната понуда, но медиумите се едногласни дека Атлетико ја победил конкуренцијата и наскоро ќе го комплетира трансферот на Жоао Феликс.

Ова ќе биде најскап трансфер во историјата на Атлетико, но и на мадридскиот фудбал воопшто, бидејќи најскапиот трансфер на Реал изнесува 110 милиони евра.

Жоао Феликс одигра феноменална сезона во Бенфика во која постигна 20 гола и запиша 11 асистенции, па се етаблираше во еден од најголемите таленти во Европа.

Dal Portogallo: #JoãoFelix è già a Madrid, vicina la firma con l'#Atletico https://t.co/JPBdHeQySY pic.twitter.com/A91WOL7LJ9

— calciomercato.com (@cmdotcom) June 17, 2019