Вечерва од 20:45 часот на стадионот „Олимпико“ во Рим ќе се игра натпреварот од квалификациите за Европското првенство 2024 помеѓу фудбалските репрезентации на Италија и Македонија.
Милевски најверојатно ќе оди со формација 3-5-2. На голманската позиција е Димитриевски, потоа во одбраната со тројца фудбалери Манев, Серафимов и Муслиу, петмина во средниот ред, Ашковски, Елези, Атанасов, Барди и Алиоски, а во нападот се очекува да бидат Елмас и Миовски.
Сакаш да снимаш видеа и да заработуваш од тоа? ТЕБЕ ТЕ БАРАМЕ! ↓↓↓
Кај Италијанците Џакомо Распадори е фаворит да почне како централен напаѓач, со Жоржињо и Федерико Киеза, додека Федерико Гати доаѓа како замена за повредениот Алесандро Бастони.
Покрај Бастони, селекторот Спалети за претстојните дуели со Македонија и Украина не може да смета ниту на Локатели, Ретеги, Калабрија, Толои, Бираги и Скалвини кои исто така се на листата на повредени играчи.
МОЖНИ СТАРТНИ СОСТАВИ:
Италија (4-3-3): Донарума, Дармијан, Гати, Ачерби, Димарко, Барела, Жоржињо, Бонавентура, Берарди, Распадори, Киеза.
Македонија (3-5-2): Димитриевски, Манев, Серафимов, Муслиу, Ашковски, Елези, Атанасов, Барди, Алиоски, Елмас, Миовски.
Учество во игри на среќа е дозволено за лица со 18+ години. Играј одговорно!