„Билд“ открива: Арсенал започнал преговори со потенцијалниот наследник на Венгер!

Како што дознава секогаш добро информираниот „Билд“, Арсенал веќе започнал преговори со човекот кој би можел да го наследи Арсен Венгер.

Според реномираниот германски медиуми, Томас Тухел ги стартувал преговорите со „топчиите“, се наведува и дека токму тоа е причината поради која Тухел го одбил Баерн Минхен.

Тухел управата на Баерн ја информирал дека сака да се проба надвор Германија. Покрај Арсенал се шпекулираше и дека би можел да седне на клупата на Челзи како наследник на Антонио Конте.

Сепак, изгледа дека Арсенал е во добра предност во однос на ривалот од Премиер лигата и веќе ги започнал преговорите со респектабилниот тренер.

Германецот во овие моменти е без клуб, последниот ангажман го имаше на клупата на Борусија Дортмунд.