Бен Арфа се враќа и тоа во клубот кој е хит оваа сезона?

Францускиот интернационалец Хатем Бен Арфа наскоро би можел да пронајде нов клуб.

Креативниот фудбалер за врска е без договор откако замина од Рен, а сега тренира два пати двневно со кондиционен тренер и преговара со неколку прволигаши од Франција..

Пред неколку дена се шпекулираше дека е блиску до потпис со Ница, но изгледа дека Нант има предност, барем така пишува француски „Л’Екип“.

Бен Арфа според најавите на истиот извор се сретнал со претседателот на клубот кој оваа сезона е хит во Лига 1 и договорот помеѓу двете страни е многу блиску.

32 годишниот фудбалер за врска промени многу клубови во текот на кариерата, но ретко каде се задржа подолго од сезона или две.

Секогаш важел за играч со голем талент, меѓутоа никогаш не го исполнил во целост веројатно најмногу поради неговиот карактер.

Иако веќе е во поодминати години во Рен потврди дека се уште може да игра фудбал на високо ниво. Бен Арфа на 41 натпревар постигна девет голови и додаде шест асистенции.