Барса го пушта Кутињо на позајмица?

Барселона, наводно, е подготвена ова лето да се откаже од услугите на својот најскап играч во историјата – Филипе Кутињо.

„Мундо Депортиво” тврди дека Бразилецот веќе не е дел од плановите на клубот и Каталонците се спремни да го продадат.

Најсериозен кандидат за неговиот потпис е ПСЖ, но „светците“ иако имаат проблеми со финансискиот фер плеј, сепак смислиле план како да го донесат Кутињо во Париз.

Мадридскиот „АС“ пишува дека парискиот клуб ќе го донесе Кутињо како позајмен фудбалер на една година, со задолжителен откуп следното лето. Притоа, „светците“ би го преземале и плаќањето на бонусите кои Каталонците ги имаат кон Бразилецот.

Ова не е новост кога е во прашање ПСЖ, тие го употребија истиот принцип и при трансферот на Мбапе, со цел да го „заобиколат“финансискиот фер плеј.

Бразилецот пристигна во „Камп Ноу“ во трансфер со вредност од 160 милиони евра минатиот јануари. Оттогаш тој има 76 настапи на кои постигна 21 гол и 11 асистенции, но впечатокот е дека не ги оправда очекувањата.