Балотели: Во Интер би се вратил, во Милан не!

Контроверзниот италијански напаѓач Марио Балотели даде интересно интервју за „Газета дело Спорт“.

Балотели игра одлична сезона во Ница, но на крајот на сезоната му завршува договорот, па најверојатно повторно ќе се врати во Серија А.

Некогашниот играч на Интер и Милан вели дека би се вратил во Милано, но само во дресот на „нероаѕурите“.

„Во Интер би се вратил сигурно. Тоа е голем клуб и не можеш да му кажеш не, Сепак, мислам дека би имал проблеми со фановите бидејќи сите знаат дека јас сум навивач на Милан“, изјави Балотели.

„Во Милан не би се вратил сега. Немам ништо против клубот и фановите, јас сум еден од нив, но на лош начин заминав од клубот. Би се вратил само доколку Галиани е таму, но бидејќи Галиани нема да се врати…“, заклучи Италијанецот, кој додаде дека би можел да игра за Рома и Наполи.