Баерн со богата понуда го задржува Алаба во Минхен

Иднината на Давид Алаба во Баерн Минхен беше доведена под знак прашалник бидејќи договорот на австрискиот универзалец истекува следната година.

Сепак, Баерн не сака да се раздели со својата ѕвезда и испрати понуда продолжување на соработката и 15 милиони евра годишна плата.

„Билд“ пренесува дека двете страни се блиску до договор и Алаба наскоро треба да стави потпис на истиот. Така Австриецот ќе стане еден од најплатените фудбалери во баварскиот гигант.

Неодамна Баерн ги продолжи договорите со Томас Милер и Мануел Ноер, па покажа дека нема намера да се разделува со најдобрите фудбалери.

27-годишниот Алаба е дете на Баерн Минхен, има многу важна улога во тимот и оваа сезона запиша 30 настапи во сите натпреварувања.