Бабунски почна да тренира со Јокохама!

Давид Бабунски пристигнал на Тајланд каде се приклучил на подготовките на Јокохама, клуб со кој би требало да потпише договор во наредните денови.

Македонскиот репрезентативец, Давид Бабунски, на почетокот на годината го раскина договорот со Црвена Звезда, незадоволен од минутажата која ја добиваше од тренерот Миодраг Божовиќ.

Бабунски, поради тоа сакаше да замине од Црвена Звезда, а фактот што нередовно ја добивал плата го искористи за да замине од Белград.

Иако шпекулациите беа дека тој кариерата ќе ја продолжи во Европа сепак се одлучи да ја прифати понудата од Јапонија, поточно од Јокохама.