Атлетико спреми понуда за Хамес Родригез

Хамес Родригез планира да го напушти Евертон ова лето, тврдат медиумите на Островот.

Колумбијскиот фудбалер пристигна на „Гудисон Парк“ во септември и на почетокот беше еден од најдобрите играчи во клубот, но и во лигата.

29-годишниот Колумбиец брзо се етаблираше во клучна фигура во тимот на Карло Анчелоти и одигра одлична сезона.

Меѓутоа, на Хамес не му се допаѓа животот на Островот и сака да ја промени средината на лето. Наводно, на него не му се допаѓа времето во Англија, но и фудбалот кој се игра, поради кој доаѓа до честите повреди.

Интерес за него покажува Атлетико Мадрид, кој го сакаше и минатотон лето, но тогаш Реал Мадрид не сакаше да го пушти во градскиот ривал.

Шпанскиот шампион спремил понуда и се очекува во наредните денови да започне преговори со англискиот клуб.