Арсенал носи две засилувања и ја напаѓа титулата!

Арсенал во последно време игра одлично под водство на Емери и се наоѓа на само четири бода од лидерот на табелата во Премиер лигата.

Тренерот Емери сака додатно да го засили тимот во зимскиот преоден рок, а на списокот има две имиња со кои би можел и да ја нападне титулата во Премиер лигата.

Првата желба е фудбалерот на Барселона, Малком кој не добива голема минутажа на „Камп Ноу“ и е спремен да ја промени средината.

„Топџиите“ сакаат да го донесат Бразилецот на позајмица со право на откуп и веќе работат на трансферот. Но тоа не е се!

Од таборот на Арсенал се заинтересирани да го вратат и поранешниот капитен Цеск Фабрегас, кој е на излезна врата од Челзи.

Неговиот договор со „сините“ завршува на крајот на сезоната, а тој и самиот не крие дека би сакал да се врати на „Емирати“.