Апсења во Шпанија поради местење натпревари

Шпанската полиција вршејќи истрага за можен наместен натпревар помеѓу Гетафе и Вилјареал од последното коло на шпанската Примера од минатата сезона, стигна до големи докази во случајот „Оикос“.

Според медиумите на Пиринеите, во координирана акција на полицијата и Обвинителството приведени се неколку лица, поранешни фудбалери и функционери, кои се осомничени дека учествувале во режија на најмалку три натпревари од највисокиот ранг и втората лига.

Врз основа на прислушуваните разговори, полицијата и обвинителството откриле дека на седум играчи на Виљареал им биле понудени 1,8 милион евра за да го загубат последниот натпревар во сезоната 2018/19 од Гетафе, чиј напаѓач Хорхе Молина, како што е утврдено, бил запознаен со исплатата.

Средбата која Гетафе требаше да ја добие заврши 2-2. Вилјареал изедначи во 87-та минута, но откако веќе се знаеше дека Валенсија води со 2-0 против Валјадолид, па победата не му беше потребна на мадридскиот тим. Валенсија го освои четвртото место и отиде во ЛШ, а за Гетафе остана утехата Лигата на Европа.

Уште еден меч за кој е потврдено дека е под истрага е и победата од 1:0 на Химнастик против Хуеска во рамките на Сегунда во сезоната 2017/18, кога Хуеска веќе обезбеди пласман во највисокиот ранг на натпреварување.

Меѓу осомничените е и поранешниот репрезентативец на Шпанија и поранешен играч на Реал Мадрид, Раул Браво, заедно со него и Борја Фернандез, чиј последен натпревар во неговата кариера беше токму еден од оние што се предмет на истрагата, Валенсија – Ваљадолид.

? Noticia @partidazocope

? Operación OIKOS

? Transcripción de una conversación de Carlos Aranda con Paco Esteban

?️ Hablan de un supuesto amaño del @GetafeCF – @VillarrealCF de la última jornada de la temporada 18/19 citando al actual capitán del Getafe, Jorge Molina pic.twitter.com/8gN5nFHkXQ

— El Partidazo de COPE (@partidazocope) May 15, 2020