Анчелоти: После Реал заминувам во пензија

Тренерот на Реал Мадрид, Карло Анчелоти, најави дека тренерската кариера ќе ја заврши на клупата на „кралскиот“ клуб.

Италијанецот во последната година повеќе пати се поврзуваше со потенцијално заминување од Реал Мадрид,  но потпиша нов договор.

„Мојата кариера ќе заврши во Реал Мадрид, но пред да се случи тоа сакам да освојам еден трофеј во Лигата на шампионите. Јас сум „мадридист“, се идентификувам со клубот и навистина сака да ги израдувам сите навивачи и членови на Реал Мадрид“, изјави Анчелоти.

Анчелоти е рекордер по бројот на трофеи во Лигата на шампионите, има вкупно четири,  а всабота ќе игра уште едно финале.