Анчелоти за Асенсио: Не ми е гајле дали ќе остане или ќе замине

Марко Асенсио игра одлично оваа сезона во Реал Мадрид, а неговиот договор истекува на крајот на сезоната.

Асенсио засега не доби понуда за продолжување од Реал Мадрид, што значи дека веќе е слободен да преговара со заинтересираните клубови.

Тренерот Карло Анчелоти беше запрашан за иднината на Асенсио и даде интересен одговор.

„Не знам дали ќе остане или ќе замине. Искрено, не ми е гајле. Имаме големи предизвици пред нас до крајот на сезоната и најважно е да го дава максимумот на теренот. Нека продолжи да игра вака, а клубот ќе донесе конечна одлука“, изјави Анчелоти.