Алисон донесе одлука дека ја напушта Рома

Раџа Наинголан веќе се договори со Интер, а Рома во наредната сезона ќе влезе и без голманот Алисон.

Рома одлучи да продаде некои од важните играчи, а после Наинголан најверојатно заминува и бразилскиот голман, кој со изјавата најави крај на авантурата во Рома.

„Искрено, навистина се надевам дека ова ќе се реши до Светското првенство. Препуштив на моите претставници да ја донесат најдобрата одлука и да ја решат оваа работа. Имаме бројни опции и сите ги разгледуваме, со целосна почит кон Рома.“ – изјави Алисон.

За услугите на Алисон најсериозни кандидати се Ливерпул, Челси и Реал Мадрид.

Што се однесува до Мундијалот, се очекува дека ќе биде прв голман во Бразил, иако има жестока конкуренција во голманот на Сити, Едерсон.