Али Даеи му честиташе на Роналдо: Почестен сум што ова достигнување оди во рацете на таков шампион

Кристиано Роналдо против Франција постигна два гола во групната фаза и така обезбеди бод за својата репрезентација, а за себе нов рекорд.

Роналдо го изедначи рекордот по бројот на голови за националниот тим со иранскиот напаѓач Али Даеи, сега заеднички се на врвот, а со следниот гол Роналдо ќе остане осамен.

Досегашниот рекордер испрати честитки до Роналдо за достигнувањето на неговиот рекорд.

„Му честитам на Кристиано кој сега го дели само еден гол од рушење на рекордот во постигнати голови за репрезентацијата. Почестен сум што ова неверојатно достигнување ќе му припадне на Роналдо, голема фудбалер и шампион, освен тоа тој е и хуманист кој инспирира“.

По пораката од Али Даеи стигна и одговорот од Роналдо.

„Вистинските шампиони остануваат шампиони засекогаш. Многу сум горд што ги прочитав овие убави зборови од голем идол каков што си ти. Ти благодарам, Али Даеи“.