Алегри: Играчите се уморни, играат по 57 натпревари

Тренерот на Јувентус, Масимилиано Алегри како алиби за поразот од Наполи го наведе уморот на играчите.

Јувентус синоќа беше поразен со 1:0 од Наполи во дербито на колото, а после овој пораз титулата дојде под знак прашалник. Сега наполи заостанува само еден бод и има полесен распоред од Старата дама.

„Во секоја од последните четири сезони играме по 57 натпревари. Секогаш стигаме до финалето на Купот, двапати игравме финале во ЛШ и доаѓаме до самата завршница, додека другите веќе во ноември завршуваат со настапите. Не сум тука да ви зборувам за бројки, но играме 57 натпревари во сезона, па така на играчите не можете ништо да кажете.“ – рече Алегри и додаде:

„Не можете да ги критикувате овие играчи, имаат премногу натпревари, мора да бидат уморни.“