Агентот на Роналдо доведува уште еден Португалец во Торино

Познатиoт агент, Мендеш во јануари би можел да заврши уште една добра работа за Јувентус.

Човекот кој стана познат ширум светот како агент на Роналдо работи и на голем број други фудбалери меѓу кои и младиот играч за врска, Рубен Невес. Овој 21-годишен фудбалер игра одлично во дресот на Вулверхемптон. Одличните настапи го привлекоа вниманието на Јувентус кој Невес би го довел со задоволство во своите редови уште во јануари.

Мендеш наводно веќе е контактиран. „Бјанконерите“ ќе се обидат да го доведат овој талентиран Португалец кој од доаѓањето во Вулверхемптон минатата година одигра 54 натпревари и постигна шест гола. Невес пред Вулверхемптон го носеше дресот на Порто каде што ги помина сите младински категории.