Агентот ги подгреа гласините, заминува ли напаѓачот од „Олд Трафорд?

Фановите на Манчестер Јунајтед според сегашната ситуација ги очекуваат големи возбудувања во текот на летото.

Напаѓачот на Манчестер Јунајтед, Ентони Марсијал би можел да го напушти Манчестер Јунајтед поради наводно лошите односи со Жозе Мурињо.

Марсијал наводно има проблем со дисциплината, често се противи на одлуките на Португалецот кој во последно време се повеќе му верува на Маркус Рашфрод.

Полека станува јасно дека за Фрацузинот нема место во првиот тим, а тој смета дека се докажал и не сака да биде на клупата.

Агентот на Марсијал во изјавата за медиумите не ја отфрли можноста неговиот клиент да го напушти „Олд Трафорд“.

„Дали Марсијал ќе остане во Манчестер Јунајтед наредното лето? Во овој момент не можам ништо да ви кажам на таа тема. Негова цел е да му помогне на клубот да стигне до трофеј во ФА Купот и второто место на табелата во Премиер лигата“, изјави Фелипе Ламболи.

Да потсетиме, неодамна се шпекулираше дека италијански Јувентус би можел да плати 65 милиони евра за одличниот Французин.