„Земјотрес“ од Мадрид: Реал одлучи да продаде голема ѕвезда

Бразилецот Родриго е вишок во Реал Мадрид. Кралскиот клуб одлучи да го продаде 24-годишниот напаѓач и заминувањето е можно веќе во јануари.

Угледниот шпански новинар Марио Кортегана наведува дека овој фудбалер го изгубил статусот на ‘недопирлив’ и клубот е подготвен да го продаде.

„Понудите кои ќе пристигнат за Родриго ќе бидат разгледани. Тој го изгуби статусот на недопирлив, особено откако дојде до очајна бројка од 30 натпревари без гол – најлошо за еден напаѓач на Реал. Го изедначи рекордот на Мариано Диас”, наведува Cortegana.

Бразилскиот офанзивец сè повеќе му се намалува цената. Кралевите сакаат да спасат што се може, па веќе во јануари се подготвени да ги сослушаат понудите за него и се очекува дека една ќе биде прифатена.

Интересот за 24-годишниот доаѓа најмногу од Англиската Премиер лига, а моментната цена му е 80 милиони евра.