„Земјотрес“ од Италија: Модриќ е човекот за кого зборува целиот фудбалски свет

Лука Модриќ со 40 години игра врвен фудбал во тимот на Милан, а раководството на тимот од Сан Сиро се обидува на секој начин да го убеди легендарниот Хрват да го продолжи договорот за уште една сезона.

Лука Модриќ влезе во петтата деценија од животот, но уште игра на врвно ниво. Сите со воодушевување ги следат чудесните изведби на хрватскиот маестро, а на Сан Сиро се свесни дека направиле врвен потег со неговото доведување во клубот.

Хрватот со свои 40 години е вистински мотор во средината, пружа спектакуларни настапи и во Милан повеќе немаат никакви дилеми – го сакаат Лука и следната сезона во својот тим.

Управата на Росонерите започна разговори со Лука за продолжување на соработката до летото 2027 година. Ова го потврди спортскиот директор на клубот, Игли Таре.

„Се надеваме дека Лука Модриќ ќе одлучи да остане со нас. Постојат можности за продолжување на договорот за уште една сезона”, изјави Таре.

Модриќ оваа сезона настапи на 14 натпревари за АЦ Милан. Во статистиката е забележан еден гол и две асистенции, но она што го прави на теренот за тимот е немерливо.