„Земјотрес“ во Италија: Влаховиќ заминува во редовите на големиот ривал на Јувентус?!

Душан Влаховиќ повторно е во центарот на вниманието на италијанската фудбалска сцена, овој пат поради потенцијалниот трансфер во Интер, кој би можел да се реализира наредното лето како дел од домино ефект со учество на Пари Сен Жермен.

Како што пренесува специјализираниот портал „Тутомеркато“, Јувентус е подготвен да се откаже од српскиот голгетер, со оглед на тоа дека тој не прифати продолжување на договорот под услови на намалување на платата.

Поради тоа, клубот ќе го стави на трансфер листата од јули, а очекуваната цена би можела да биде помеѓу 25 и 30 милиони евра – што е значително пониско од неговата реална вредност, но последната година од договорот и осцилациите во формата влијаат на пазарната состојба.

Интер е подготвен да ја искористи оваа прилика, но под еден услов – да се раздели од Маркус Тирам.