Денеска во главниот град на Латвија, Рига, започнува осмина-финалната фаза на Европското првенство во кошарка, а програмата ќе стартува веќе од 11 часот според средноевропското време.
Целата нокаут фаза ќе се одигра во Ксиаоми Арената во Рига, а првиот дуел од осмина-финалето ќе биде помеѓу Турција и Шведска.
Дејан Јакимовски: Ни ФИФА не веруваше дека ќе стигнеме на време со ВАР системот | Уште еден поткаст
Турција го зазеде првото место во групата А по победата над Србија во последното коло, додека нејзиниот прв противник во нокаут фазата е тимот на Шведска, која заврши на четврто место во група Б. Швеѓаните имаа среќа во групната фаза благодарение на неверојатниот пад на Црна Гора, која изгуби од аутсајдерите Велика Британија.
Алперен Шенгун и неговите соиграчи се фаворити во оваа средба, а потенцијалниот противник во четвртфиналето може да им биде нашите кошаркари доколку утре ги победат Полјаците.
Во 14:15 часот, на теренот на Ксиаоми Арената ќе излезат германскиот и португалскиот тим. Со оглед на тоа како Денис Шрëдер и другарите доминираа низ групната фаза, прашањето е само со колкава разлика ќе ја однесат победата на патот кон четвртфиналето.
Во 17:30 часот ќе се одигра балтичкото дерби, каде што домаќинот Латвија ќе се соочи со Литванија. Поради предноста што ја имаат на домашен терен и поддршката од навивачите, заедно со фактот дека Литванија е ослабена од повредата на Рокас Јокубаитис, Латвија се смета за фаворит во овој дуел.
Последниот натпревар денес ќе го одиграат Србија и Финска во 20:45 часот. Иако Србија е ослабена од неучеството на Богдан Богдановиќ, успеаја во групната фаза да остварат четири победи, но е јасно дека избраниците на Светислав Пешиќ имаат многу простор за напредок.
Учество во игри на среќа е дозволено за лица со 18+ години. Играј одговорно!