Времето работи против Барселона: Каталонците во голем проблем пред продолжувањето на сезоната

Барселона се соочи со голем проблем пред продолжувањето на сезоната. Еден од најдобрите фудбалери на каталонскиот клуб, Дани Олмо, нема да може да игра во Ла Лига во продолжението на сезоната.

Како што пренесува „Мундо Депортиво“, причината е што на клубот од „Камп Ноу“ му беше одбиена регистрацијата за репрезентативецот на Шпанија.

Во текстот се истакнува дека Барселона на понеделник, 30 декември, ќе поднесе нова жалба против Ла Лига за да се обиде да добие привремена мерка и да му овозможи на Олмо да игра во вториот дел од сезоната.

Аргументот што ќе го изнесе Барселона е дека сите прописи за регистрација се неважечки, бидејќи ги регулира тело кое го сметаат за ненадлежно, а тоа е делегиран одбор на шпанското првенство. Сепак, времето работи против Каталонците бидејќи имаат рок до 31 декември да го регистрираат овој 26-годишник.

🚨🚫 The commercial court n10 of Barcelona has rejected Barça’s appeal for the registration of Dani Olmo.

Barça have time until 31st December to register Olmo and they will present a new lawsuit against La Liga in the Lower Court on 30th December, reports @mundodeportivo. pic.twitter.com/UJoSp6Hjrm

— Fabrizio Romano (@FabrizioRomano) December 27, 2024