Возачите на Ферари биле дисквалификувани во Кина поради бизарна причина!?

Фото: Lewis Hamilton/Instagram

Ферари остана без двата болиди по трката во Шангај, а во меѓувреме се појави нова теорија која објаснува што точно тргнало наопаку. Станува збор за навидум безначаен детал, кој, сепак, можел да има клучно влијание.

По двојната дисквалификација од Големата награда на Кина, од тимот на Ферари признаа дека направиле грешки, но сега исплива ново објаснување кое дополнително ја расветлува целата ситуација.

Шефот на тимот, Фредерик Васер, сега открива дека можеби станувало збор за многу побанална причина, а тоа е течење на водата.

„Гумите се само дел од објаснувањето. Изгубивме и еден литар вода поради истекување од шишето на Шарл. Губитокот на тежина е секогаш резултат на повеќе мали фактори“, изјави Васер за францускиот „Л’Екип“.