Воопшто не се штедело: Еве колку пари добил секој фудбалер на Звезда за историската победа во ЛШ

Црвена Звезда утре од 21:00 часот ќе игра против Милан во рамките од Лигата на шампионите, а пред овој натпревар фудбалерите на српскиот гигант добиле дополнителна мотивација.

Имено, раководството на клубот издвоило награда од 65.000 евра за секој кој бил во стартниот состав против Штутгарт, натпревар кој Звезда го доби со 5:1, додека двојно помалку добиле фудбалерите на клупата.

Во Лигата на шампионите Звезда има три бода и се наоѓа на 31. место во конкуренција на 36 клуба. Како што е познато првите осум обезбедуваат осминафинале, додека клубовите од 9. до 24. место играат плеј-оф.