Во Реал нема место, за него се „тепаат“ Интер и Милан

Реал Мадрид има вистински „бисер“ за кого се заинтересирани многу европски гиганти.

Станува збор за 20-годишниот Нико Паз, кој минатата година дебитираше за Реал Мадрид во Лигата на шампиони и веднаш постигна гол на дебито.

Оваа сезона Аргентинецот игра на позајмица во Комо, каде покажа дека е еден од најголемите таленти во моментов. Интер и Милан се силно заинтересирани за него и веќе ја почнаа битката за потписот.

Реал не сака да се откаже од него, но јасно е дека за Нико Паз нема да има многу простор кај „кралевите“ кога ќе се врати следното лето.

Аргентинецот ужива во играњето во Серија А и медиумите тврдат дека сака да остане во Италија.