Алваро Арбелоа не започна успешно како тренер на Реал Мадрид по заминувањето на Чаби Алонсо. Овој гигант доживеа неуспех во Купот на кралот, каде беше поразен од второлигашот Албасете со 3:2 во осминафиналето, а новиот тренер на „Кралевите“ се обидуваше да објасни нешто што едноставно не може да се оправда.
Со два гола во 82-та и 90+4-та минута, херој на Албасете беше Хефте Бетанкор, оставувајќи длабоки рани кај Реал и одземајќи му шанса за вториот трофеј оваа сезона, по поразот во Суперкупот на Шпанија.
До кога ќе дишеме отровен воздух!? | Уште еден поткаст
Арбелоа ја презеде вината врз себе.
Свесни сме за тешкотиите на тимот и од сега мора да се подобриме. Јас сум одговорен бидејќи јас ги носев одлуките, измените… Можам само да им се заблагодарам на играчите за вложениот труд и да се обидам да го кренам нивниот морал, започна Арбелоа.
Поранешниот дефанзивец на клубот ја објасни суштината на Реал Мадрид.
„Во овој клуб, дури и ремито е трагедија, а камоли ваков пораз. Нашите навивачи сигурно се уништени.“
Учество во игри на среќа е дозволено за лица со 18+ години. Играј одговорно!