Европскиот фудбал доби ново име кое сѐ повеќе привлекува внимание. Карл Ета Ејонг, 22-годишен напаѓач од Камерун, е еден од најинтересните млади фудбалери во Ла Лига. Заради стилот на игра, енергијата и реализацијата, веќе го нарекуваат „новиот Ето’о“, според славниот сонародник.
Ејонг во моментов игра за Леванте, тим кој минатата сезона повторно влезе во Ла Лига и го задржа својот статус. Леванте го доведе на 1 септември оваа година од Виљареал за три милиони евра. Во својата втора сезона во првата лига тој стана едно од најголемите изненадувања во шпанскиот шампионат. Со својата брзина, подвижност и мирност пред голот привлече внимание од навивачите и стручњаците.
Ќе го решиме проблемот со отпадот ако го гледаме како ресурс, а не како ѓубре! | Уште еден поткаст
Во период од една година минуваше од талент со потенцијал до стандарден напаѓач во елитните редови. Неговиот напредок го следат водечките европски клубови. Интерес пројавуваат Манчестер Сити, Манчестер Јунајтед и Арсенал, како и Барселона и Реал Мадрид, пишува Трансфермаркт.
Со добрите игри си ја заслужи и поканата за настап во репрезентацијата на Камерун, каде неодамна дебитираше. Дебито во националниот тим предизвика голема возбуда во неговата татковина. Медиумите во Камерун веќе го истакнуваат како наследник на Ето’о и го гледаат како иден носител на репрезентацијата.
Роден е во Јаунде, првите чекори ги направи на улиците и училишните игралишта, а можноста за напредок ја доби по преселбата во Шпанија во тинејџерските години. Развојот во Виљареал Б беше пресвртна точка. Минатата сезона постигна 19 голови во 30 натпревари.
Леванте е свесен за зголемениот интерес и го постави почетниот услов. Според шпанските медиуми, преговорите под 40 милиони евра не се опција. Ако продолжи со истиот ритам, неговата вредност би можела да достигне 60 милиони евра до крајот на сезоната.
Учество во игри на среќа е дозволено за лица со 18+ години. Играј одговорно!