Во Лондон доаѓа и Мењан: Челси потроши скоро 200 милиони евра на голмани

Во лондонскиот Челси обожуваат да купуваат голмани. И да ги менуваат. Година за година…

Ако се погледне неколку години наназад, излегува дека речиси секоја сезона на „Стемфорд Бриџ“ пристигнува по еден голман.

Од 2018-та до денес пристигнале вкупно шест. Поточно, пет, но изгледа и шестиот е на пат.

Да, зборот е за 29-годишниот Мајк Мењан, чуварот на мрежата на Милан и еден од најдобрите во италијанската Серија А, кого овие денови медиумите го поврзуваат со лондонските Сини.

Најверојатно, блиску е договорот францускиот репрезентативец да се пресели од Сан Сиро на „Стемфорд Бриџ“ за околу 20 милиони евра, плус минус неколку милиони.

Фото: Grok AI