Во Данска лути: Мараш можеше да му ја скрши ногата на Гидсел (Видео)

По победата во финалето против Хрватска, ракометарите на Данска долго време зборуваа за агресивната игра на „Каубоите“ за време на дуелот кој го одлучи новиот светски шампион.

Ракометната репрезентација на Данска вчера ја совлада Хрватска со резултат 32:26 и на голем стил го освои новиот трофеј на светски шампион покажувајќи дека никој на светот не може да се спореди со нив.

И покрај победата, Данците не беа задоволни од начинот на кој играа Хрватите. Конкретно, беа незадоволни затоа што сметаа дека противниците играле премногу грубо во текот на целото финале.

Особено внимание привлече потегот на хрватскиот ракометар Матео Мараш. Тој нагази на стопалото на најдобриот ракометар на Светското првенство Матиас Гидсел и стоеше на него некое време.

VM Håndbold 2025 Kroatien Danmark finale
Mathias Gidselに対するクロアチアのMateo Maraš 20の行為絶対に許さない！ pic.twitter.com/ahxCIWK0wQ

— Amuko (@amukoimam) February 2, 2025

Од друга страна, самиот Гидсел не се пожали премногу и не му се замери на Мараш за неспортскиот потег. Чекаше натпреварот да продолжи за да и донесе на својата селекција титулата светски шампион.

😲 Le MVP du Mondial 🏆, Mathias Gidsel 🇩🇰, a subi de nombreux coups par la défense 🇭🇷…😡

📸 TV 2 Sports pic.twitter.com/vRFwWDjb7N

— HandNews (@HandNewsfr) February 2, 2025

Еден од најгласните во протестите против грубата игра на Хрватите беше данскиот ракометар Симон Питлик, инаку најдобар лев бек на Светското првенство, кој порача дека стилот на игра на Хрватите можел да остане само за Загреб каде “судиите се на нивната страна”.